Dapi la damaun circuleschia il traffic da navettas per part puspè. Quai ha communitgà la guardia da costa greca. Tenor indicaziuns uffizialas èn radund 90 bajetgs vegnids donnegiads. Dus hotels sajan vegnids evacuads. Ils turists sajan vegnids repartids sin ulteriurs hotels.
Il terratrembel ha gì ina forza da 6,6 sin la scala da Richter. L’epicenter saja stà en vischinanza da la citad tirca Bodrum. Il center dal terratrembel saja stà en ina profunditad da 12 kilometers.
Duas persunas sajan mortas en la citad principala da Kos. I sa tractia dad dus turists da la Tirchia e la Svezia. Quai ha il president da la citad ditg al radio statal grec. Radund 120 ulteriuras persunas sajan vegnidas blessadas.
-
Bild 1 von 8. L'epicenter è stà datiers da la citad tirca Bodrum. Bildquelle: EMSC.
-
Bild 2 von 8. Cunzunt en la chapitala Kos hai dà gronds donns. Bildquelle: Keystone.
-
Bild 3 von 8. Al port da la citad Kos hai dà in tsunami pitschen pervi dal terratrembel. Bildquelle: SRF.
-
Bild 4 von 8. Donn material sin l'insla da Kos. Bildquelle: SRF.
-
Bild 5 von 8. Bajetg donnegià. Bildquelle: Keystone.
-
Bild 6 von 8. La damaun suenter il terratrembel. Bildquelle: Keystone.
-
Bild 7 von 8. Las duas unfrendas dal terratrembel èn mortas en ina bar a Kos. Bildquelle: Keystone.
-
Bild 8 von 8. Blers bajetgs èn vegnids donnegiads tar il terratrembel en la Mar Egeica. Bildquelle: Keystone.
Svizra blessada
Er ina Svizra è vegnida blessada tar il terratrembel en la Mar Egeica da questa damaun cun dus turists morts sin l'insla grecca Kos. Quai ha confermà il departament federal per affars da l'exteriur. Il mument vegn anc examinà sch'i dettia ulteriuras persunas svizras pertutgadas.
Hotelplan Suisse ha communitgà ch'ins haja enconuschientscha d'ina clienta levamain blessada. Actualmain sajan 379 clients da Hotelplan Suisse sin l'insla Kos e sis clients a Bodrum. TUI Svizra ha communitgà che tut ses clients en questa regiun sajan saun e salvs ed er Kuoni na sa nagut da clients grev blessads.
Donns haja cunzunt dà en il center da la citad. Là sa chattan bleras bars. Ils donns da material sajan enorms, ha ditg il burgamester da l'insla.
Tsunami pitschen
Al port da la citad principala da l’insla Kos hai schizunt dà in tsunami pitschen pervi dal terratrembel. Er sentì haja ins il terratrembel sin l’insla Rhodos. Là n’haja dentant dà nagins donns. Quai ha communitgà la polizia.
Or da la Tirchia na datti nagins rapports da donns pli gronds.
RR novitads 06:00++