Legenda:
Vul restar en l'UE: La scheffa da la regenza scotta Nicola Sturgeon.
Reuters
cuntegn
Exteriur - Scozia prepara segund referendum per independenza
La regenza regiunala da la Scozia prepara in segund referendum per daventar independent da la Gronda Britannia e vul cumenzar agens discurs cun l’UE. Ils pass giuridics necessaris vegnian uss preparads, ha ditg la scheffa da regenza Nicola Sturgeon.
La part dal nord da la Gronda Britannia, la Scozia, prepara in segund referendum per daventar independenta.
Il cabinet haja decidì ch'i saja da far uschè svelt sco pussaivel discurs cun las instituziuns da l'UE ed auters stadis da l'UE per proteger la plazza da la Scozia en l'UE. Il 2014 avevan 55% dals Scots votà cunter l'independenza da la Scozia.
A la
votaziun davart il Brexit
aveva ina gronda maioritad dals Scots vuschà da restar en l’UE. Dentant eran 52 pertschient dals Brits per l’extrada.
