Still rocking and stoned
Els rullan anc adina: ils Rolling Stones han avert sonda saira lur turnea europeica en Germania. L'emprim concert da la turnea han els dà a Hamburg en il Stadtpark avant 82'000 fans. Ils 20 da settember vegnan els a dar in concert a Turitg en il Letzigrund.
Commembers tuts sur 70 onns
Tut ils commembers originals da la band han sur 70 onns. Il chantadur Mick Jagger (74), ils ghitarists Keith Richards (73) e Ron Wood (70) ed il batterist Charlie Watts (76). Ils Rolling Stones stattan dapi 55 onns sin las tribunas da concert. L'album actual dals Rolling Stones ha il titel "Blue and lonesome".