Legenda:
Cun ses messadi da la speranza dettia il papa Franzestg orientaziun als carstgauns, quai d'in temp che blers tschertgian l'orientaziun.
Keystone
cuntegn
Exteriur - «Premi Carl 2016» va a Papa Franzestg
Il «Premi Carl 2016» va a Papa Francestg. Quai ha communitgà il directori che surdat il premi ensemen cun la citad dad Aachen.
Il premi vegn surdà questa giada a Roma e betg sco usità ad Aachen. Il termin da la surdada n'è anc betg enconuschent. La giuria vul cun questa surdada undrar il Papa per ses «messadi da la speranza» che dettia orientaziun als carstgauns.
Il «Premi Carl» vegn surdà dapi il 1950 per merits specials davart l'unitad europeica. Papa Francestg è il 58avel purtader dal premi che porta il num da l'imperatur Carl il Grond che ha vivì en il 8avel tschientaner.
