Exteriur - Papa Francestg elegia svizzer en post central da la baselgia
Papa Francestg ha nominà l’uvestg svizzer Charles Morerod en ina da las autoritads centralas da la baselgia catolic-romana. El saja ussa in commember da la congregaziun per il cult divin e l’urden sacramental en il vatican.
Quai ha communitgà la diocesa da Morerod. La baselgia catolic-romana ha nov differentas congregaziuns che sa fatschentan mintgamai cun auters aspects dal viver ecclesiastic.
Ils commembers da l’autoritad ecclesiastica vegnan elegids dal papa per 5 onns. La congregaziun surveglia, tranter auter sche la ceremonia da messa vegna fatga endretg.
