Legenda:
In dals lieus dal attentat a Kopenhagen
L'attentader era enconuschent a la polizia, tranter auter pervi da delicts da violenza e perquai ch'el aveva blessà la lescha d'armas.
keystone
cuntegn
Exteriur - La polizia dal Danemarc ha arrestà dus umens
La polizia dal Danemarc ha arrestà 2 umens suenter ils attentats da la fin d'emna a Kopenhagen. Als 2 umens vegn reproschà d'avair gidà l'attentader, han communitgà ils investigaders. Ils umens duain avair procurà las armas.
L'attentader supponì era enconuschent a la polizia, tranter auter pervi da delicts da violenza e perquai ch'el aveva blessà la lescha d'armas.Tenor ina gasetta danaisa saja l'um vegnì relaschà da la praschun pir avant duas emnas. En consequenza dals attentats sin in center da cultura sonda ed ina sinagoga la notg sin dumengia èn 2 persunas vegnidas mazzadas. La polizia ha sajettà giu l'attentader supponì dumengia marvegl.
