Legenda:
La polizia en acziun
Policists en in dals lieus dals attentats a Copenhagen.
keystone
cuntegn
Exteriur - Polizia idetifitgescha attentader da Copenhagen
En il Danemarc ha la polizia identifitgà l'attentader da Copenhagen. El saja gia stà enconuschent als investigaders. Il num da l'attentader n'ha la polizia però betg communitgà, be ch'el saja oriund da Copenhagen.
Tenor las autoritads da segirezza pudessan ils attentats sin la redacziun da "Charlie Hebdo" avair inspirà l'um per l'attatga. Indizis per in cumplizi na dettia però nagins. En consequenza dals attentats a Kopenhagen sonda e la notg passada èn duas persunas vegnidas mazzadas, 5 ulteriuras èn blessadas.
Legenda:
La primministra dal Danemarc
La primministra Helle Thorning-Schmidt è cuntenta che las uras dramaticas èn a fin, i saja stà ina fitg trista damaun.
keystone
Primministra è levgiada
La primministra danaisa, Helle Thorning-Schmidt è levgiada che la polizia ha sajettà giu l’attentader. En ina conferenza da pressa ha ditg Thorning-Schmidt che nagin na possia attatgar la libra e democratica societad danaisa.
