La dumonda sche la Gronda Britannia duai restar en l'Uniun Europeica u sortir vegnia discutada dapertut, raquinta Anna Lee-Famos. E blers na sappien anc betg tge votar gievgia perquei ch'els hajan pers la fiduzia en ils politichers ed ils experts e sajan confus da tut las statisticas ed ils arguments pro e contra.
Blers han tema da perder lur identitad e lur autonomia cun restar en l'UE.
La fin finala saja quai ina dumonda dal cor u dal chau. Il cor veglia sortir da l'Uniun Europeica ed il chau veglia restar tar il status quo. Anna Lee-Famos, che returna adina puspè gugent a Tschlin, na va betg a votar. Ella haja il pass svizzer e mai vulì il pass britannic.
-
Bild 1 von 3Legenda: Ses curtgin numna Anna Lee-Famos in zic selvadi, ma bellischem. RTR/nc -
Bild 2 von 3Legenda: Dapi 55 onns viva Anna Lee-Famos a Londra - adina en il medem quartier. RTR/nc
-
Bild 3 von 3Legenda: Anna Lee-Famos ha bain gugent sch'i gira adina insatge - ella giauda dentant er il temp en ses curtgin. RTR/nc