Legenda:
Avant da squittar il gas avevan ils deputads da l'opposiziun disturbà la sesida cun tschivlar e bittar ovs.
Keystone
cuntegn
Exteriur - Gas lacrimogen en parlament dal Cosovo
En il parlament en il Cosovo hai dà tumults: deputads da l'opposiziun han squittà gas lacrimogen. La raschun era ina dispita pervi d'ina cunvegna tranter las regenzas dal Cosovo e da la Serbia.
Suenter l'incident è la seduta vegnida interrutta. 2 deputadas ch'eran idas en svaniment han ins stuì transportar en l'ospital, rapporta l'agentura da novitads AFP.
La finala è la cunvegna tuttina vegnida approvada. Quella prevesa dapli dretgs per la minoritad serba en il Cosovo.
