Legenda:
Il president columbian Santons (san.), il president cuban Raul Castro (mez) ed il schef da la FARC Timochenko (dre.)
Keystone
cuntegn
Exteriur - Contract da pasch tranter Columbia e rebels da FARC
La regenza columbiana ed ils rebels da la FARC èn para sa cunvegnids sin in contract da pasch. Tenor ina decleranza communabla èn las 2 partidas sa cunvegnidas sin ina basa giuridica per schliar il conflict che dura 50 onns.
Per crims politics duai reger in’amnestia. Per crims da guerra e crims cunter l'umanitad na duai quai perencunter betg dar ina remissiun dal chasti. Per grevs crims èsi previs praschun enfin ad 8 onns, scrivan las agenturas da novitads.
Emprim inscunter dapi 14 onns
L’inscunter dal president columbian Juan Manuel Santos cun il schef da la FARC Timochenko (Rodrigo Londono Echeverri) è stà l’emprim inscunter da las 2 partidas dapi 14 onns.
Sin il pli tard en in mez onn duai la cunvegna da pasch vegnir suttascritta.
