Legenda:
L'armistizi che valeva fin ussa è ì a fin cun la votaziun da dumengia.
Keystone
cuntegn
Exteriur - Columbia: L'armistizi cun la FARC vegn prolungà
Suenter il naufragi dal referendum davart la cunvegna da pasch en la Columbia ha il president Juan Manuel Santos prolungà l’armistizi cun ils rebels da la FARC fin la fin da quest mais. El speria che fin là possian els concretisar la cunvegna e reglar il conflict, ha ditg il president Santos.
Il nov armistizi che vala fin la fin d'october, duai prolungar il temp per chattar ina schliaziun. La regenza e la FARC avevan stipulà in armistizi gia l’avust. Ma quel valeva be fin la votaziun dal referendum. La dumengia passada han ils Columbians refusà surprendentamain la cunvegna da pasch cun 50,2%. Ils adversaris han en spezial crititgà la reducziun da chastis per ils rebels.
