TikTok algoritmus
Il TikTok algoritmus è in sistem che renda recumandaziuns da cuntegn che correspundan a mintga utilisader. El decida tge videos ch'in utilisader pudess esser adattà a ses interess individuals ed als mussa sin la pagina «Per tai» da l'utilisader.
Uschia è la pagina «Per tai» per mintga utilisadra u mintga utilisader fermamain persunalisada. Quai che vus vesais sin vossa pagina «Per tai» na vegn betg ad esser il medem sco quai che voss ami u collega vesa sin sia pagina. Tgi che guarda per exempel «beauty & makeup» vesa natiralmain dapli recumandaziuns per videos sumegliants. Tuttina: Quels videos sa mussan darar per insatgi che consumescha il pli savens cuntegns en connex cun sport e gaming.
Co funcziuna quai?
Uss pudais vus sa dumandar co che TikTok sa tge cuntegns recumandar. L'algoritmus TikTok valitescha ina cumbinaziun da facturs per decider tge videos che pudessan plaschair ad in utilisader. Dain in sguard sin ils facturs da rangaziun ils pli impurtants ch'influenzeschan tge videos che vegnan mussads sin vossa pagina «Per tai».:
- Interacziuns d'utilisadras e d'utilisaders: L'algoritmus valitescha co ch'ils utilisaders interageschan cun videos. Part da quai fan acziuns sco guardar in video fin a la fin, leger, commentar, parter e crear videos cun il medem sound u hashtag. Dapli interacziun ch'in video survegn e pli probabel ch'el vegn recumandà ad auters utilisaders.
- Infurmaziuns da video: Latiers tutgan detagls sco suttitels, tuns, hashtags e perfin la qualitad dal video sez. Questas infurmaziuns gidan a chapir l'algoritmus da tge ch'i sa tracta en in video ed a tgi che quel pudess plaschair.
- Parameters d'apparats e da contos: La lingua, il tip d'apparat ed il lieu èn intgins facturs che TikTok dovra per adattar ils cuntegns tenor las pussaivladads tecnicas ed a las preferenzas regiunalas.
Experiment
- Punct da partenza
La pagina «For you» da Ian è emplenida cun videos cun ils suandants cuntegns: ballape, musica, saut e sporadicamain auters videos. - Finamira
Ian vul influenzar ses algoritmus. El vul consumar conscientamain videos per survegnir in'autra pagina «For you». El vul survegnir ils suandants videos: citats trists o motivants, pestga, caffé - Metodas
1. consumar mo videos tschertgads
2. dar in «like»
3. dar in «like» e commentar
4. inclusiv far sez fotografias e videos cun il cuntegn (per exempel café)
5. trametter videos ad amis - Experientscha
Mo cun tschertgar e guardar videos sco per exempel ir a pestgar n'hai dà naginas midadas en l'algoritmus da Ian. Mo guardar e dar in «like» n'ha era betg purtà bler. La pagina «For you» era suenter uras e dis senza midada.
Pir cura che Ian hai cumenzà a consumar ils videos pli ditg e parter cun amis, hai dà midadas. Surtut cur ch'i sa tracta da citats trists, dat l'algoritmus videos a Ian. - Resultat
Sch'i va per la pestga ed il café, n'hai dà durant in'emna quasi naginas midadas. Fitg darar survegn Ian uss videos da pestgar sin sia «For you».
Tar la rubrica da citats vesi dentant ora auter. Tar quest tema hai duvrà mo in pèr minutas fin che l'algoritmus dal TikTok da Ian ha decidì da trametter ad el videos da quai. Sia «For you» è uss emplenids cun citats trists u da motivaziun. Mintga segund video è in citat. - Èsi reussì ad Ian da midar ses algoritmus?
Parzialmain. Na per tut ils temas, dentant per part èsi gartegià d'influenzar el.