L’Israel avertescha ses burgais e sias burgaisas a l’exteriur da far attenziun. Il pajais tema ch’i dettia oz acts da violenza cunter indrizs giudaics. «Igl è da quintar ch'i vegn a dar en differents pajais occurrenzas da protest che pon midar enturn en violenza», uschia il ministeri da l'exteriur da l'Israel ed il Cussegl naziunal da segirezza.
Els han ultra da quai cusseglià ad Israelians ed Israelianas da sa distanziar da demonstraziuns. Quest venderdi tem'ins surtut acts da violenza da sustegniders e sustegnidras da la Hamas cunter indrizs giudaics. Il motiv saja il «Venderdi dal flum da Al-Aksa» sco che la Hamas che regia en la strivla da Gaza numna quest venderdi. Ella appellescha en quest connex al mund arab ed al mund muslim da sa mobilisar.
