Il status S per fugitivs da l'Ucraina na vegn il mument betg abolì. Quai ha decis il Cussegl federal. Il mument na vesia betg ora uschia sco che la situaziun en l'Ucraina sa stabiliseschia a moda durabla. En l'entir pajais stoppia ins quintar cun cumbats. Il status S na vegnia perquai betg abolì avant ils 4 da mars 2025.
Il Cussegl federal aveva activà il status il mars avant in onn pervia da l'offensiva russa cunter l'Ucraina. Il mument han radund 66'000 persunas da l'Ucraina in status S activ en Svizra.
Plinavant ha la regenza per l'emprima giada definì ina finamira per l'integraziun sin il martgà da lavur. 40% da las dunnas e dals umens cun il status S duain avair ina lavur fin la fin dal 2024. Fin uss lavuran 20% da las persunas ch'èn fugidas da l'Ucraina.
Or da l'archiv
RTR ha er gia purtretà persunas da l'Ucraina che èn s'integradas ubain emprovan da fitgar pe en il martgà da lavur.