Conferenza per Afganistan - I dovra 600 milliuns dollars per sustegnair la populaziun

Fin il december dovri almain 600milliuns dollars per cumbatter la fom en l'Afghanistan ed impedir che la vita publica crodia ensemen. Quai scrivan las organisaziuns d'agid da l'ONU. Stgars in mais suenter ch'ils Talibans han surpiglià la pussanza en l'Afghanistan datti ina conferenza da donaturs a Genevra. Ina pretensiun centrala da blers pajais-donaturs è ch'ils collavuraturs d'organisaziuns umanitaras possian luvrar senza impediments ed intimidaziuns.