L'october 2023 è stà fitg chaud. El saja stà 0,4 grads pli chaud ch'il october ch'ha gì il record da temperatura fin uss. Quai saja ina differenza «enorma», di Samantha Burgess, directura remplazzanta dal servetsch da midada da clima Copernicus da l'UE.
«Sche nus cumbinain nossas datas cun quellas da l'IPCC, pudain nus dir che quai è l'onn pli chaud dals davos 125'000 onns.» Il cussegl global dal clima IPCC sa basa per sias datas sin sondagis da glatsch, rintgs da plantas e sediments da corallas.
il motiv per quai saja la stgaudada globala chaschunada tras l'emissiun da gas da serra. Las emissiuns globalas da CO2 sajan stadas il 2022 uschè grondas sco anc mai. Er mainia la stgaudada globala a dapli eveniments d'aura extrems.
Il pli chaud october fin uss è stà l'october dal 2019.
