Chauma - Ils trens stattan salda en Gronda Britannia

En la Gronda Britannia fan oz sonda 40'000 d'emploiads da la viafier danovamain chauma. Tenor la BBC charreschian be 20% dals trens.
Il sindicat da transport RMT pretenda meglras pajas, meglras cundiziuns da lavur e meglra segirezza da las plazzas. Il conflict en la Gronda Britannia dura entant gia mais. Ina schliaziun tar ils discurs tranter ils sindicats e ils gestiunaris n'hai fin ussa betg dà. Gia la stad aveva dà pliras chaumas tar il traffic da viafier britannic. Gia questa stad e l'emna passada aveva ina chauma quasi bloccà l'entir traffic da viafier.