Sur parts da las regiuns d'incendis en l'Australia hai dà plievgia intensiva e ferms urizis . En la chapitala Canberra hai dà granella - gronda sco ballas da golf. I ha dà donns vid autos e chasas. La plievgia gida bain a stizzar ils fieus da chagliom. La bler'aua ha dentant era inundà pliras autostradas en il Stadi federativ Queensland. Ed er auters extrems da l'aura datti en l'Australia: L'uffizi meteorologic ha mesirà in orcan da sablun da 100 kilometers l'ura.
Dapi mais patescha l'Australia da grevs fieus da chagliom. Dapi il settember èn mortas 29 persunas e las flommas che han devastà passa 12 hectaras terren (correspunda a radund in terz da la surfatscha da la Germania). Pertutgà en spezial è il stadi federativ da New South Wales nua ch'i dat actualmain anc bunamain 70 fieus.
RTR novitads 09:00
