L'aua da plievgia è tenor in nov studi da l’universitad da Stockholm contaminada uschè ferm cun chemicalias ch'ella na cuntanscha nagliur sin il mund qualitad d'aua da baiver. Schizunt en l'Antarctica u en las muntognas dal Tibet è principalmain la valur da la chemicalia PFAS per 14 giadas pli auta che quai ch'i vegn cusseglià per aua da baiver, ha ditg l’autur principal dal studi Ian Cousins a l’agentura da novitads AFP.
La chemicalia PFAS datti per exempel en schampos u mak-up e sa dissolva be fitg plaun. Perquai vegn ella er numnada la «chemicalia eterna». PFAS saja derasà uschè lunsch ch’ins na possia betg pli sperar che la chemicalia svaneschia puspè da l’ambient. Auters studis han mussà che la chemicalia po tranter auter avair effects sin la fritgaivladad e retardar il svilup d’uffants.
Or da l'archiv
Per vus avain guardà sur las spatlas a Clau Dermon, responsabel per l'aua da tut Mustér.
