30 giugaders e giugadras èn da la partida a l'Europeada 2024. Quella ha lieu a Schleswig – ina part dal lieu tutga a la Germania, l'autra a Danemarc. Ils giugaders e las giugadras han ditg al telefon, che l’atmosfera saja extraordinaria. I saja ina bella experientscha d'emprender d'enconuscher autras persunas, culturas e minoritads. Els ed ellas han represchentà la Rumantschia cun in medley da Pascal Gamboni enfin Paulin Nuotclà. Vitiers han la squadra da las dunnas e la squadra dals umens preschentà vinars da la regiun e declarà ils tschintg idioms rumantschs.
La dumonda da dir insatge vegn adina puspè.
Era sche las squadras giaudan ussa l'Europeada saja stà in zic grev da chattar avunda dunnas per la squadra. 11 rumantschas han s’annunzià, gist tantas sco ch’ins dovra. Alura han ellas anc survegnì sustegn d’ina dunna da la Norvegia che discurra era ina lingua speziala.
Tar la squadra dal umens ha in giugader sa blessà. I na saja anc betg cler sch’el stoppia operar ses schanugl u betg. Er el giauda uss dentant il rest dal temp. El haja survegnì in char dal trenader e cun quel sappia el accumpagnar la gruppa en dapertut – ina solidaritad enorma pia, di in dals giugaders, Robert Buchli.
Nus essan ils megliers fans per las autras equipas. La avain autas ambiziuns, auter che tar il dar ballape.
