Dus extrems fan in pau mal il venter a la scienza: temperaturas da record en l’Atlantic dal Nord e ch’il glatsch en l’Antarctica lieua, quai er cun record.
La temperatura da l’aua en l’Atlantic dal Nord è tenor l’Organisaziun meteorologica mundiala stada 0,9 grads sur la media da plirs onns. Pervia da las temperaturas autas smanatschian eveniments da l’aura extrems en l'Europa, ha ditg il schef per observaziuns dal clima tar l’Organisaziun meteorologica mundiala.
L'Atlantic dal Nord saja in dals pli impurtants chaschunaders da l'aura extrema, tant en l'Europa sco er a la costa orientala da l' America dal Nord. Cun temperaturas uschè autas, per part extremas, creschia il privel da plievgia gronda e d'orcans.