Exposiziun purila - Agrischa è spustada sin l'auter onn
Suenter avair analisà ils davos dis ed emnas la situaziun actuala en connex cun corona, ha il comité d'organisaziun ensemen cun l'Uniun purila dal Grischun decidì da betg far l'exposiziun. L'Agrischa è spustada per in onn sin ils 29 e 30 d'avrigl 2023 – anc adina a Glion.
Dapi varga 10 onns datti mintga primavaira l'exposiziun d'agricultura Agrischa. Durant dus dis sa preschenta là l'agricultura mintgamai en in'autra regiun dal chantun cun tut sias variaziuns a la publicitad. La finamira è, da dar invista en il puresser en il Grischun. Suenter ils onns 2011 e 2016 fiss quest onn puspè la Surselva stada lieu da l'exposiziun.
Sper l'exposiziun d'animals, la fiera da purs ed il til tras la citad, fiss per l'emprima giada era stà planisà in chantun sco giast a l'Agrischa – numnadamain il chantun vischin Uri.