-
Bild 1 von 6. Durant l’emissiun: il moderatur Sergio Guetg (a sanestra) e visavis dad el Christjohannes Heinz che ha ospità l’entira emna il redactur Flurin Clalüna (sper Heinz). Bildquelle: RTR.
-
Bild 2 von 6. Christjohannes Heinz (en il bus a dretga) e Flurin Clalüna e dus mattettas ch’èn vegnidas a far la visita. Bildquelle: RTR.
-
Bild 3 von 6. Il moderatur Sergio Guetg curt avant l’entschatta da l’emissiun. Bildquelle: RTR.
-
Bild 4 von 6. Emil Hänni ha purtà café a la squadra dad RTR. Bildquelle: RTR.
-
Bild 5 von 6. Or dal café è daventà in pitschen ensolver. Bildquelle: RTR.
-
Bild 6 von 6. I gira insatge a Flerden. Bildquelle: RTR.
Mantogna sin ina terrassa da sulegl. Ins auda a tschivlar ils utschels, qua e là passa tras in tractor. La suletta pussaivladad per cumprar en è la pitschna butia dal vitg. E dentant: 30% dals abitants èn sut 20 onns. Quai surtut pervi da l'OECO Energie Zone.
Fontauna Gemella - il lieu d'inscunter
Bunamain mintga damaun suenter las otg avra la butia dal vitg. La butia è dentant betg mo la butia, ma il lieu d'inscunter a Flerden. Vi da las trais maisas en la butia sesan mintga di lavurants, pensiunads ed era giasts. In bun lieu per discutar, tge tgi gira en il vitg.
La butia datti dapi bunamain 13 onns. Da quel temp ha il Volg serrà sias portas. Per betg stuair ir en la val per cumprar en, han las dunnas dal vitg simplamain avert sezzas ina butia - cun grond success.
-
Bild 1 von 6. La butia è averta. Bildquelle: RTR, Flurin Clalüna.
-
Bild 2 von 6. Sper mangiativas datti era in pèr souvenirs per ils giasts. Bildquelle: RTR, Flurin Clalüna.
-
Bild 3 von 6. Era RTR è tema vi da la maisa. Bildquelle: RTR, Flurin Clalüna.
-
Bild 4 von 6. Paraid cun flyers ed autras agids. Bildquelle: RTR, Flurin Clalüna.
-
Bild 5 von 6. Martina Lanicca, ina da las vendidras. Bildquelle: RTR, Flurin Clalüna.
-
Bild 6 von 6. Martin Stolz fa la contabilitad è mira ch'ils clients survegnan quai ch'els postan. Bildquelle: RTR, Flurin Clalüna.
30% giuvens – grazia a chasas ecologicas
Avant 15 onns han ils da Flerden percurschì, ch'igl ha en scola adina pli paucs uffants. La scola vulevan els dentant exnum tegnair en il vitg. Uschia ch'els han stuì attrair novas famiglias. Perquai han els lantschà il project «OECO Energie Zone». En quella eran ils pretschs per il terrain fitg bass, mo 80 francs per meter quadrat. Vinavant stuevan ils patruns da construcziun fabritgar tenor il standard da minergia. Ozendi n'è quai nagut da spezial, avant 15 onns era quai dentant in'argument essenzial. L'effect: oz han els perfin in magister dapli en scola.
Impressiuns da Flerden
Flerden sa chatta in quart d'ura viadi cun il bus sur Tusaun. La via principala passa a l'ur dal vitg vi e va lura en direcziun Glaspass. A Flerden stattan circa 220 abitants, blers dad els èn purs. Dentant abitan qua er in pèr famiglias giuvnas. In punct marcant dal vitg na datti dentant betg. Il highlight è la vista sur la Val Tumleastga.
-
Bild 1 von 6. La damaun a Flerden. Bildquelle: RTR, Flurin Clalüna.
-
Bild 2 von 6. Bigl amez il vitg, davosvart il Piz Beverin. Bildquelle: RTR; Flurin Clalüna.
-
Bild 3 von 6. La via tras il vitg. Bildquelle: RTR, Flurin Clalüna.
-
Bild 4 von 6. Entrada en ina cligna. Bildquelle: RTR, Flurin Clalüna.
-
Bild 5 von 6. Il tetg, il lieu preferì d'in giat. Bildquelle: RTR, Flurin Clalüna.
-
Bild 6 von 6. Bildquelle: RTR; Flurin Clalüna.
Or da l'archiv:
Flerden en l'archiv
RR actualitad 12:00