Il tunnel Val Alpetta è suenter ils tunnels Val Spelunca e Val Pischöt il terz che vegn realisà en rama dal project da da schlargiament da la via da Samignun. Las ultimas duas etappas èn quellas dals ulteriurs dus tunnels Val Cotschna e Val Mundin.
Lavurs han cumenzà cun grond culp
Mesemna han las lavurs cumenzà cun ina siglientada. Cun quella vegnan las lavurs principalas vid il tunnel cumenzadas.
-
Bild 1 von 4Legenda: Tut pront per la sigliantada dal tunnel Val Alpetta. RTR, Georg Luzzi -
Bild 2 von 4Legenda: Tut pront per la siglientada. RTR, Georg Luzzi
-
Bild 3 von 4Legenda: Mario Cavigelli ed Aita Zanetti èn stads preschents tar la siglientada. RTR, Georg Luzzi
-
Bild 4 von 4Legenda: L'entrada a la gallaria existenta. RTR, Georg Luzzi
Project cumplex
En l'entira zona dal project è la via fitg stretga e na correspunda betg pli a las pretensiuns dad oz. Plinavant è la via exponida a numerus privels da natira. L'enviern sto la via adina puspè vegnir serrada durant plirs dis pervi da lavinas. Grazia al tunnel vegn la situaziun meglra. Cun ina ladezza da 5,8 meters ed in'autezza da 4,5 meters è il tunnel en avegnir charrabel sin dus vials. Quai optimescha ch'il traffic cula meglier. Total vegn lavurà sin in traject da 970 meters lunghezza.