Dapi in'emna han la Spitex e las chasas da tgira avert lur portas. Purschids vegnan girs tras las chasas, dis da prova e differents referats. Dentant betg mintga event ha gì visitaders e visitadras, quai saja enorm donn per la lavur che las chasas da tgira hajan fatg, di Monika Schnoz ch'è manadra da l'emna da tgira.
Nus essan cuntents d'avair pudì infurmar bain las persunas ch'èn stadas als events.
Dapli attenziun per tgira da lunga durada
La manadra da l’emna da tgira, Monika Schnoz, manegia ch'i saja er impurtant da far la differenza tranter la tgira acuta e la tgira da lunga durada.
Durant la pandemia è la professiun da tgira stada fitg en il focus – dentant adina la tgira acuta.
A la Spitex e a las chasas da tgira èsi impurtant da betg emblidar la tgira da lunga durada. Perquai fan els l’emna da tgira per far vesaivla la branscha.
Fin cun pregiudizis
Da vegl ennà datti pregiudizis envers la tgira che na correspundian betg pli a la situaziun dad ozendi. La lavur daventia adina pli cumplexa e dovria uschia er persunal cun gronda savida. Il profil professiunal sa haja midà cumplettamain en ils ultims onns.
Rigahus a Cuira
Il Rigahus a Cuira va novas vias areguard la recrutaziun da persunal: