audio
Tut è vegnì auter che planisà
ord Actualitad dals 23.06.2017.
laschar ir. Durada: 2 minutas 25 Secundas.
Il plan dad Anne-Louise Joel era simpel. Ella vuleva lavurar insaquants mais en in restaurant en Lumenzia e lura viagiar en il Canada. «Ils bels umens da la Lumenzia han motivà mai da star per pli ditg en il Grischun», manegia Anne-Louise Joel cun in surrir.
Suenter in temp è ella tuttina turnada en sia patria ed ha fatg in studi ed avant
quatter onns è ella puspè turnada en Lumenzia. Dapi lura maina ella la Casa d'Angel, ina chasa da cultura che fa tranter auter exposiziuns.
«Jau di quai ch'jau pens. Ils Rumantsch n'èn betg uschè disà cun quai», di Anne-Luoise Joel. Mintgatant lascha ella encrescher per la mar. Uschiglio sa senta ella fitg bain en las muntognas grischunas.