En il rom da la retschertga duai per exempel vegnir dumandà, sche tscherts animals na vegnan betg pli tramess ad alp pervia dal luf. Autras dumondas duain tematisar tge mesiras da muntaneras che purs e puras han realisà e quant che quellas custan. Er il squitsch dal persunal d’alp duai esser in tema.
La regenza è pronta da prender encunter l’incumbensa. Er las deputadas e deputads dal Cussegl grond han sustegnì unanimamain la proposta da l’Allianza dal center. La retschertga gidia da sentir il puls ed ils basegns en l’agricultura. Plinavant stgaffescha ella fatgs per ulteriuras decisiuns u mesiras.
La retschertga duai vegnir fatga d’ina interpresa spezialisada externa.
Ord l'archiv
Animals da rapina gronds èn ina sfida per il persunal d'alp. Quai mussa er in film da Cuntrasts da l'atun passà.