Il Premi Travers Zuoz va quest onn ad Asa Hendry. Quai per ses toc da teater «Bab, siu archiv e jeu». Il toc raquintia da traumas inter-generaziunals en l’agricultura, lauda la giuria dal premi. Il premi ch’è dotà cun 15’000 francs, è vegnì surdà per la segunda giada ed è offrì da la Lia Rumantscha e da la vischnanca da Zuoz.
Jau hai grond plaschair dal premi. Quel signifitga en emprima lingia lavur per mai. Il toc ha numnadamain pir da vegnir sviluppà e scrit, ensemen cun profis.
-
Bild 1 von 3. Il premi per Asa Hendry è dotà cun 15'000 francs. Bildquelle: RTR.
-
Bild 2 von 3. Asa Hendry cun Ivo Bärtsch (Zuoz Globe), Gianna Olinda Cadonau (Lia Rumantscha) e Lucian Schucan (vischnanca da Zuoz). Bildquelle: RTR.
-
Bild 3 von 3. Asa Hendry sa legra dal premi, sa dentant er ch'i dat blera lavur enfin tar la premiera. Bildquelle: RTR.
En tut èn 11 inoltraziuns vegnidas fatgas per il «premi travers» 2024. Ellas demussian ch'i dettia in interess ed in basegn per in tal premi, hai num da la giuria. Tut ils commembers dal gremi sajan sa decidids unisono per l’ovra dad Asa Hendry.
La basa per il proxim teater sin il palc a Zuoz furma in monolog en cumbinaziun cun in chor. Ina furma curaschusa, ha cità la commembra da la giuria Fadrina Hofmann en sia laudatio en Chesa Planta a Zuoz.
A nus ha persvadì tut il concept. Ins bada che Asa Hendry è insatgi che s’enclegia dal teater, sia lingua ans er ha persvadida en maniera surprendenta. Precis quai che nus vulain promover.
Enfin ch’il toc dad Asa Hendry vegn preschentà l’atun dal 2025 a Zuoz, han l’autur cun sustegn da professiunals da la scena, temp da furmar or dal text da basa in’istorgia, per mussar ella sin il palc da teater rumantsch.