L'onn passà han impressaris da construcziun grischuns fatg lavurs per passa 1,2 milliardas francs. Visavi l'onn precedent è quai in augment da 28%. La gronda part dal volumen da construcziun saja d'engraziar a la construcziun d'abitaziuns e la construcziun bassa.
Tenor communicaziun fa la construcziun bassa ora en il Grischun passa la mesadad da tut las activitads. Gist en temp da crisa sco la pandemia – u era la guerra en l'Ucraina – saja la construcziun bassa e l'infrastructura da grond'impurtanza economica.
La branscha da construcziun principala en il Grischun dat lavur a 4'291 persunas il 2021. Quai è 5,8% dapli che l'onn avant. Tar collavuraturs da la Svizra èsi creschì per 3,1% (1'821), persunas cun dimora temporara per 14,5% (831) ed ulteriuras naziunalitads per 5,2% (2'269).