Velos per uffants, per la citad u la muntogna, u velos da cursa – la schelta è stada gronda. La fin finala eran var 400 exemplars exponids. Quai malgrà che betg tants commerziants da velo hajan purtà quest onn lur exemplars a la bursa, di Simon Gredig da l'uniun Provelo ch'organisescha l'occurrenza.
-
Bild 1 von 4Legenda: Ils gidonters Remo Wild, Rut Janett e Lukas Dobry RTR, Carmen Monn -
Bild 2 von 4Legenda: Ils gidanters e las gidantras han gì bler da far a la bursa da velos a Cuira. RTR, Carmen Monn
-
Bild 3 von 4Legenda: Bainbaud han ils emprims chattà lur velo preferì. RTR, Carmen Monn
-
Bild 4 von 4Legenda: Tar il Rapair Café han ins pudì laschar reparar pitschnas chaussas vid il velo. RTR, Carmen Monn
Ils vendiders e las vendidras èn cunzunt persunas privatas – giuven e vegl. Dus buobs han purtà il velo da lur frar pitschen, ina mamma ils velos da las figlias, u era pèrins pli vegls. Las raschuns per vender ils velos èn differentas. U ch'els eran daventads memia pitschens per ils uffants, u…
Nus avain ussa dus e-bikes a chasa, e betg pli plaz per quest velo.
E-bikes, da lez n'han ins betg vis blers. Ma persuenter dus, trais models pli spezials – sco per exempel in tandem, in velo da bmx ch'ins dovra cunzunt per far trics u in velo da giaschair.
Simon Gredig è cuntent cun la bursa da velos, ed era che l'aura è stada meglra che temì. Uschia sajan plirs tschients persunas stadas a guardar. Radund 200 velos èn vegnids vendids, e quels ch'èn restads vegnan returnads als possessurs, u surdads a l'uniun «Viamala averta» che sustegn fugitivs e requirents d'asil.