L'aua sutterrana en il Grischun è schubra. L'Uffizi chantunal per segirtad da victualias ha intercurì 21 implants da pumpadi en il Grischun e Glaruna che vegnan duvrads per aua da baiver.
La concentraziun da las 76 substanzas intercuridas saja stada tar tut ils tests entaifer la limita legala. Il pli savens hajan ins chattà la substanza atrazin, in pesticid tar la cultivaziun da tirc. Quel è gia scumandà dapi il 2012 pervi da sia persistenza, dentant anc adina da chattar en l'aua sutterrana.
