Ina da las persunas pertutgadas da paupradad è Renata Greber. Ella viva da l'agid social. Sco ch'ella ha ditg envers SRF, saja ella vegnida en paupradad pervia da ses uffants.
Ella ha tratg si quels persula, aliments hai dà mo paucs, per lavurar mancava la forza, vitiers vegnan problems psichics. Il budget per in mais è tar 2'005 francs. Quels daners na tanschan per part gnanc per il pli necessari.
Jau ma sent en quellas situaziun sco paupra, nua che jau na ma po betg prestar in pèr chautschas sut ubain in pèr soccas.
Gest quints pli auts, per exempel custs pli auts da forza electrica, sajan ina gronda sfida. Plinavant saja difficil da far part a la societad ubain tar occurrenzas culturalas. Perquai dovri daners. Ina giada l'emna ir a baiver insatge: quai saja il pli grond luxus per ella, uschia Renate Greber.
Far in plaschair a persunas ch'han memia pauc, perquai vai en l'acziun da pachets «2x Nadal». Fin ils 11 da schaner 2023 pudais Vus regalar in pachet postal ubain online.
Ils pachets pon vegnir purtads gratuitamain a la Posta. Quels pachets vegnan tramess en il center da scumpartiziun da la Crusch Cotschna Svizra. Suenter vegnan els lura surdads a persunas ch'èn pertutgadas da povradad.
Vus pudais er gidar cun in pachet online sin www.2xweihnachten.ch.
Esser pauper veglia dentant er dir da viver en vargugna. Persunas paupras vegnan savens numnadas marschas, bain ch'ellas na s'empon da nagut ch'ellas èn paupras. Dumandar per agid saja perquai in pass fitg difficil e umiliant.
Quai vesa era Danica Graf uschia, ella na vul nagin agid social. La dunna lavura parzialmain en ina stizun e tar «Surprise», in'organisaziun che sa gida cun persunas a l'ur da la societad, fa ella guidas tras citads svizras. Per mais gudogna ella 1'500 enfin 2'000 francs.
Plirs destins en la giuventetgna, tranter auter la mort da sia sora adoptiva, han chaschunà grondas plajas. Cun 25 é ella vegnida mamma d'ina feglia, ses partenari aveva dentant gronds daivets. Malgrà tut quels obstachels ha ella ademplì ses giavisch da lavurar independentamain sco tgiradra d'animals en ina chasa da purs.
Dentant cura ch'ella e ses partenari han gì problems en la relaziun ed èn separads è ella stada responsabla persula per la figlia, ha lura survegnì problems psichics ed survegnì l’abdicaziun da la chasa da purs – perquai ch'ella ha manca da memia a la lavur.
Tschains da l'abitaziun e pregiudizis
Il pli grond problem saja il tschains da l'abitaziun e la cassa da malsauns, di Danica Graf. Ella giavischass perquai dapli abitaziuns pajablas era per persunas en pitgira. Vitiers vegn il maletg che blers han da persunas paupras: Savens audia ella che persunas paupras èn sezzas la culpa.
Danica Graf di, che blers emblidan scon bler che sa capitar. «Els na pensan betg vidlonder ch'ina separaziun, ina malsogna u problems psichics pon far ch'ins na funcziuna betg pli e ch'ins sa lura era betg s'empatschar d’ina plazza da lavur. »
