La SSR agescha envers sias collavuraturas e ses collavuraturs, sias partenarias e ses partenaris da fatschenta sco er envers las autoritads da surveglianza e la publicitad a moda integra, faira e professiunala. La SSR impegna sias collavuraturas e ses collavuraturs ad ina cultura da manaschi impeccabla dal puntg da vista giuridic e moral: las collavuraturas ed ils collavuraturs enconuschan las leschas, las ordinaziuns sco era las prescripziuns e directivas internas e las ston resguardar.
Sch'i duess tuttina capitar che collavuraturas e collavuraturs u partenarias e partenaris da la SSR sa cumportan a moda nunetica u sch'els commettan schizunt delicts, pudais Vus annunziar quests surpassaments. Sco surpassament vala per exempel:
- corrupziun
- violaziun da la decleraziun da protecziun da datas u da las normas da segirtad IT
- conflicts d'interess: collavuraturas e collavuraturs n'ageschan betg en l'interess da l'interpresa
- defraudaziun, enguladitsch, engion
- mulestas sexualas, discriminaziun
- cumportament nunetic
- violaziun da leschas ed ordinaziuns naziunalas u internaziunalas
- violaziun da las directivas d'interpresa
- praticas da fatschenta dubiusas
Link direct tar: Post d'annunzia SSR
Impurtant: Reclamaziuns areguard emissiuns na vegnan betg elavuradas. En quel connex As adressai p.pl. directamain a las servetschs da mediaziun.