Savens han mamma ed uffants lura da partir dad in mument a l’auter, savens a la zuppada ed adina è quai l’ultima consequenza dad ina nauscha istorgia, che dura gia bler memia ditg.
En la Chasa da dunnas dal Grischun chattan ils uffants ensemen cun lur mammas segirtad e sustegn en plaina discreziun – l’onn 2021 eran quai enfin uss 16 uffants tranter 0 e 12 onns. Dus dad els èn gist arrivads quest'emna cun lur mamma, raquinta Marina.
L'atmosfera en la Chasa da dunnas è calma e seraina
Marina è ina da las expertas da la Chasa da dunnas dal Grischun. Sco sias collegas prenda ella encunter telefons, beneventa las dunnas e lur uffants, als gida da chattar ruaus e segirezza – il pli impurtant en ils emprims muments da caos e fugia. Quai sa mussa er en la Chasa da dunnas. Igl è ina atmosfera patgifica, calma e seraina. Sper la cuschina datti bler spazi per ils uffants, per giugar e sa distrair da quai ch'è succedì.
Uffants en la Chasa da dunnas – ina visita
-
Bild 1 von 7. In lieu segir per mamma ed uffant – . la Chasa da dunnas dal Grischun porscha trais stanzas da famiglia. Bildquelle: RTR, Isabelle Jaeger.
-
Bild 2 von 7. Il letg dad uffants vegn duvrà pauc – . en la situaziun insolita da la Chasa da dunnas dorman ils uffants savens tar lur mammas en letg. Bildquelle: RTR, Isabelle Jaeger.
-
Bild 3 von 7. In lieu segir en il caos –. quai porscha la Chasa da dunnas tant a dunnas sco er a lur uffants. Bildquelle: RTR, Isabelle Jaeger.
-
Bild 4 von 7. Finalmain in lieu protegì – . per ils uffants che han stuì mitschar cun lur mammas insatge insumma betg solit. Bildquelle: RTR, Isabelle Jaeger.
-
Bild 5 von 7. Chattar ina nova normalitad –. sin questa via gida la Chasa da dunnas ad uffants e lur mammas. Bildquelle: RTR, Isabelle Jaeger.
-
Bild 6 von 7. Tut è adina rumì si bain – . ils uffants che vegnan en la Chasa da dunnas duain chattar qua in mund ch'è en urden. Bildquelle: RTR, Isabelle Jaeger.
-
Bild 7 von 7. Ina stgaffa plain distracziun – . – tar ils pitschens e las grondas èn sairadas da gieu in passatemp bainvegnì en la Chasa da dunnas. Bildquelle: RTR, Isabelle Jaeger.
Chattar ruaus e distracziun è ina. Ma tuttina vai er per ils uffants dad ir enturn cun quai ch'è succedì a chasa e per chattar la via en ina nova normalitad.
Dar forza cun Forti
Er qua gidan las dunnas – dapi curt cun l'agid dal capricorn Forti e ses trais cumpogns. Els èn las figuras principalas, che mainan tras ina mappa da lavur plain differentas istorgias e fegls. Quellas materialias ha la Chasa da dunnas dal Grischun creà aposta per il sustegn dals uffants che vegnan en chasa cun lur mammas. Las materialias duain gidar las expertas da vegnir en dialog cun ils uffants.
Forti gida: Nua va uss la via?
-
Bild 1 von 7. Forti e ses cumpogns gidan – . la mappa è uschè nova ch’ella n’ha anc betg in num. Bildquelle: RTR, Isabelle Jaeger.
-
Bild 2 von 7. Chattar pleds per quai ch’è succedì – . la mappa da lavur gida da discurrer ed uschia da sustegnair l’uffant. Bildquelle: RTR, Isabelle Jaeger.
-
Bild 3 von 7. Spaghetti cun nutella – . per in dals animals il tratg preferì, per Marina la pussaivladad da vegnir tras in rir cuminaivel pli datiers als uffants. Bildquelle: RTR, Isabelle Jaeger.
-
Bild 4 von 7. La vita va sco il gieu da las stgalinas – . davent da la partenza enfin l’arrivada ina giada ensi e lura puspè engiu. Bildquelle: RTR, Isabelle Jaeger.
-
Bild 5 von 7. Ed uss? Marina e sias collegas gidan als uffants tar numerusas dumondas. Bildquelle: RTR, Isabelle Jaeger.
-
Bild 6 von 7. Pertge sun jau qua e nua vai vinavant? Avischinaziun precauta a dumondas centralas. Bildquelle: RTR, Isabelle Jaeger.
-
Bild 7 von 7. Capricorn Forti duai dar forza – . en chasa, ma er suenter sin la via en l’avegnir. Bildquelle: RTR, Isabelle Jaeger.
Mammas e lur uffants en la Chasa da dunnas è mo ina da las bleras fatschas dal tema dunnas e violenza a chasa, dunnas e violenza insumma. Per sensibilisar en Svizra in public vast per questas dumondas datti mintg’onn dis d’acziun spezials: ils «16 dis cunter la violenza cunter dunnas». Els duran dals 25 da november enfin ils 10 da december. Qua chattais Vus dapli – er tar las acziuns planisadas en il Grischun. Il program exact per ils Grischun chattais vus qua. Quest onn stat la violenza sexualisada en il center.