Dumondas filosoficas davart la vita umana, la convivenza e la cardientscha tschenta l’emissiun Vita e cretta durant la stad. Las respostas furneschan differentas persunalitads rumantschas ord diversas regiuns. Tschertas cun dapli, autras cun damain connex cun la religiun.
Il restauratur, caluster e bab da famiglia Aaron Bellini da Parsonz è in um cristifidaivel. El tradescha a nus, sco ch’el discurra cun Dieu, pertge ch’el crai, che Dieu haja umor e tge ch’ils umans han pers ozendi tenor el.