AndaRojo
La gruppa da rock AndaRojo è naschida l'avrigl 2005, unind quatter musicists da diversas entgarnas geograficas. Ghitarrist Roland Vögtli è oriund da Scuol, organist Johi Rauber abitescha a Bravuogn, bassist Andy Meerstetter stat a Cuira e batterist Hans Conzett ha ses tschaler a Ragaz. L'emprim concert ha la band absolvì l'atun 2005; dapi là demussan ils AndaRojo ina preschientscha surprendenta sin tribunas entaifer ed ordaifer il Grischun, augmentond viapli la cuminanza da fans. Il num da la gruppa è be apparentamain spagnol – en vardad sa constituescha el dals prenums dals singuls commembers.
Dapli
Realisaziun
Musica e cumposiziun: AndaRojo (Roland Vögtli)
Chant e ghitarra; Johi Rauber
Orgel e chant: Andi Meerstetter
Bass: Hans Conzett (battaria)
Text: Roland Vögtli
Producziun: Manfred Zazzi
Maschaida: Dan Suter
Text da la chanzun: Muond in mai
Eu less ris-char
da scriver quista chanzun
eu less scriver
alch per minchün.
Per minchün da vo
chi sun gnü quista saira
per mincha sour
e per mincha frar, per mincha frar.
Eu nu poss müdar il muond
eu poss be müdar il muond in mai
eu nu poss müdar a tai
eu at poss be accumpagnar
e sezzer cun tai vi dal fö
e tadlar e laschar arder
eu nu poss müdar il muond
eu poss be müdar il muond in mai.
Eu less ris-char
da chantar quista chanzun
eu less chantar da tuot cour
e quai per minchün.
Per mincha uffant
pels baps e las mammas
lain esser famiglia
hoz nun es ingün sulet, ningün sulet!
Eu nu poss müdar il muond
eu poss be müdar il muond in mai
eu nu poss müdar a tai
eu at poss be accumpagnar
e sezzer cun tai vi dal fö
e tadlar e laschar arder
eu nu poss müdar il muond
eu poss be müdar il muond in mai.