Conradin Klaiss
Conradin Klaiss, naschì l'onn 1976, è creschì si a Danis en Surselva. Il clavazin classic ha el emprendì a chasa, il blues d'in camarat. Suenter ils studis da scolast secundar a Friburg ha el fatg substituziuns, entaifer ed ordaifer la Rumantschia. E tranteren ha el absolvì ina scola da jazz a Christchurch en Nova Zelanda. Las cumparsas musicalas èn stadas fin uss plitost casualas, bars, nozzas, vernissaschas. In'atgna band futura n'è dentant betg exclusa.
Dapli
Realisaziun
Musica, text, clavazin e vusch: Conradin Klaiss
Battaria: Mara Churcher
Bass: Dave Crosson
Ghitarra: Nick Burson
Chors: Silke Schmeing
Maschaida: Manfred Zazzi, Apart Turitg
Text da la chanzun: Mund magic
Bien di, cara princessa
Tarmettel bunas ord miu mund
Schi bi ch'ei dat tei
En tiu cor sas tgi ch'jeu sun
Seregordas, biala princessa
La notg vargada has ti viu
Miu segn da veta
Permiez il tschiel stelliu
Uss pren plaz en miu aviun
Neu cun mei en in auter mund
El mund da praulas e da ficziun
El mund da pur'imaginaziun
Neu el mund dils affons
Per in mumenet
Ti eis la rosa,
Jeu tiu prenci pignet
Maun en maun lein semiar
Nos cors colurar
In mund magic
Ensemen crear
Emblidar ils quitaus,
Sefermar, far in paus,
E lu viver...
Viver cun pissiun
En quei mund che nus creein
E lu viver...
Viver cun pissiun
En quei mund che nus vivin