Ès ti in Engiadinais? Ès ti in’Engiadinaisa? Quai ha l’autura Fadrina Hofmann dumandà a 30 persunas per il cudesch «Spiert engiadinais/Engadinergeist». Umens e dunnas da Segl fin Martina han quintà da lur vita, da lur relaziun cun l’Engiadina e surtut da quai che fa ch’ellas sa sentan sco Engiadinais u Engiadinaisas.
Purtretadas vegnan persunas da mintga vegliadetgna e da differentas professiuns: Quai va da la scriventa, sur ina chasarina, in expert da communicaziun, tecnicist da pendicularas, pur, chavafossas fin tar in controllader da bulieus.
Las definiziuns dal spiert engiadinais èn fitg differentas. Blers associeschan identitad cun esser naschì u creschì si en Engiadina. Auters èn umans da la natira e sa sentan per quai sco stgets Engiadinais.
