Dapi il schaner 2025 èn ils novs cussegliers ed il president da la citad da Cuira en uffizi. Las elecziuns il 2024 avevan procurà per grondas discussiun. La cussegliera da citad Sandra Maissen (Il Center) n'è betg vegnida reelegida. Quai era ina surpraisa, tant per ella sco er per ils novs suprastants da Cuira. Ina surpraisa è er stada l'elecziun da Hans Martin Meuli sco nov president da la citad da Cuira.
En l'emissiun 50:50 fa el sia emprima bilantscha suenter 100 dis en funcziun:
Ils proxims quatter onns na vegnian betg lungurus per il president da la citad da Cuira. Ensemen cun ses collegas en suprastanza, Patrik Degiacomi e Simon Gredig, vul Meuli tranter auter dumagnar sut controlla las finanzas:
Era sch'i fa sin palpiri la parita d'in gudogn da milliuns che la citad da Cuira fa onn per onn, excluda Meuli ord vista actuala ina reducziun da la taglia ils proxims quatter onns.
Ins na dastga betg guardar mo sin il quint economic, mabain sin l'entira bilantscha publica.
En discurs cun la moderatura da RSO, Katharina Balzer, e cun il moderatur da RTR, Andri Franziscus, s’exprima Hans Martin Meuli tranter auter er davart l'avegnir dal Big Air e las pendicularas Brambrüesch, davart sia uffanza a Cuira e sia vita quotidiana sco «Stapi» da Cuira.
10 dumondas curtas
- Citad veglia u Cuira West? Citad veglia.
- Sco anteriur revisur da quints: far quints u discurrer? Discurrer.
- Budget per la cultura: ensi u engiu? 50:50
- Impostas - ensi u engiu? 50:50
- Pertge essas Vus politicher: conscienziusitad u perquai ch'i fa plaschair? Perquai ch'i fa plaschair.
- Il davos post sin Instagram datescha dals 12 da december 2024. Nagin gust u nagin temp per social media? Nagin temp.
- Suenter Maladers, Haldenstein (Lantsch Sut) u Tschiertschen – dapli incorporaziuns ubain stop? Stop.
- Cussegl da citad da l'avegnir: 3 u 5 persunas? 3 persunas.
- Dapli parcadis u dapli vias da velo? Dapli vias da velo.
- En il cussegl da citad essas Vus en la minoritad sco represchentant da la PLD. Essas Vus in schlet u in bun perdent? In bun perdent.
«50:50» – il videocast communabel da Somedia e RTR
Somedia e Radiotelevisiun Svizra Rumantscha RTR porschan cun il format da talk «50:50» in nov product communabel. Il videocast vul promover mintga mais discurs approfundads cun represchentantas ed represchentants da l'economia, da la politica e da la societad.
Tut ils discurs
Pertge il num «50:50»?
- Equiliber e diversitad: il num dal videocast accentuescha las stentas da preschentar ina selecziun da giasts equilibrada e diversa per represchentar ina paletta vasta da chaus e persunalitads.
- Simplicitad e clerezza: In num simpel e chapibel sco «50:50» associescha directamain l'idea fundamentala dal podcast, senza stuair declerar bler dapli.
- Simbol da fairness: La relaziun da 50:50 vegn duvrada savens sco simbol per fairness ed egualitad – quai che correspunda bain er a las finamiras dal podcast.
