Las Liricas Analas han definì da nov la musica rumantscha sco pli probabel nagin auter acts avant e suenter els. Entschatta dals onns 2000 ha quels rappuns sursilvans procurà per ina explosiun musicala en la scena rumantscha. In nov slang è daventà il now Style! Nagin avant els ha pachetà uschè blers pleds rumantschs en chanzuns, e nagin auter act rumantsch ha cuntanschì uschè bleras ureglias betg rumantschas. Las Liricas Analas han sunà las tribunas dals gronds festivals Svizzers, lur albums en raivì fin las top 5 da la parada da hits. Tuttenina era musica rumantscha coola!
Intgins auriculins da las Liricas Analas
Il 2022 han las Liricas Analas edì lur davos album e sunà lur turnea da cumià. Suenter l’explosiun e dentant restà in vacum.
Co stat i cun l’ierta dals pionier rappunz Sursilvans? Han las Liricas Analas motivà la giuventetgna rumantscha da scriver remas e producir beats? Quest film sa fa sin la tschertga sin l'ierta dal rap e hiphop rumantscha suenter las Liricas...
La segunda generaziun dal rap rumantsch
Uschia è la istorgia dal hip hop rumantsch betg be ina ch'ha laschà sautar pliras generaziuns rumantschas, mabain er ina ch'ha inspirà bain inqual mattatschs e mattatschas, e quai fin oz.
Tgi è propi il piunier dal rap rumantsch?
Sin questa dumonda ha Patrick Capaul ina resposta nunspetgada. Èsi propi stà l’ovra da las Liricas Analas? Dapli sur da l’istorgia dal rap rumantsch datti da scuvrir en l’intervista da l’emissiun speziala.
