Ursin Fravi (63) è in dals motors dal biatlon a Lantsch. Cun fieu e flomma ha l’anteriur chanzlist da la vischnanca accumpagnà il svilup dal sport, da l’idea enfin ussa il punct culminant cun ils campiunadis mundials.
Gia avant 20 onns ha Ursin Fravi s'engaschà che l'emprim areal da biatlon vegn realisà. Dapi lura ha el cumbattì per pudair finanziar ils campiunadis mundials da biatlon a Lai – sia visiun è quest onn pia daventada realitad. Durant l'eveniment grond è Ursin Fravi ina d'en tut 860 persunas che sa gidan voluntarmain al lieu. El è responsabel per ina maschina che registrescha ils resultats da la disciplina da tir da las atletas ed ils atlets. El è losch da vesair che sias stentas han purtà fritg e giauda fitg d'esser part da quest highlight sportiv. El sa regorda anc bain da las sfidas.
Sco bab il figl
Era il figl Laurin (26) ha ditg partì quest entusiassem per il biatlon ed prì part professiunalmain al sport. Avant dus onns ha el dentant pers quai fieu per il sport. La primavaira 2023 ha el annunzià ch’el terminescha sia carriera ed uschia desista il student d’architectura da las emoziuns da prefurmar avant agen public.
Bab e figl raquintan live en Profil da lur fieu e lur flomma per in sport che stat quels dis en il center.