La politica fa part gia ditg da sia vita. Passa 20 onns è el gia president communal, l’emprim da la vischnanca da Mon, dapi prest 10 onns da la vischnanca Alvra. Ma las ultimas emnas èn stadas extraordinarias era per Daniel Albertin. Da stuair evacuar in vitg entir, da stuair communitgar ed infurmar medias da tut il mund davart «il Rutsch» da Brinzauls e da betg savair precis co che la natira sa cumporta, quai èn stadas be in pèr da las sfidas da questas ultimas emnas.
En quest Profil raquinta il president communal cun tge sentiment ch’el ha infurmà la populaziun da Brinzauls ch’ella stoppia abandunar las chasas, co che la collavuraziun en il stab ca crisa ha funcziunà e tge temas che han dà discussiuns davos las culissas.