Dapi passa 30 onns ha l'Engiadina ina gruppa da model che cumpiglia spots da speed, auto da cursa, camiuns, helicopters ed er aviuns da model. Tut quai sto vegnir manevrà cun in telecumond. La gruppa da model po tranter auter era sgular sin la plazza aviatica da Samedan, nua ch'ils aviuns sa tschentan per propi. Dapi in pèr onns vegn er il president da la gruppa, Guido Manzoni, là e sgola cun aviuns cun motor e da vela.
vulair sgular ad aut
-
Bild 1 von 8. Sin la naiv. L'enviern vegnan montads ils skis. Bildquelle: Pius Good.
-
Bild 2 von 8. Sin la plazza a Bever. Guido Manzoni cun in model da vela. Bildquelle: Giudo Manzoni.
-
Bild 3 von 8. Ready to take off. Ils aviuns da model dastgan partir ed atterrar suenter las 19:00 sin la plazza aviatica da Samedan. Bildquelle: Pius Good.
-
Bild 4 von 8. Idroplan. Era cun aviuns d'aua po vegnir sgulà en Engiadina. Bildquelle: Pius Good.
-
Bild 5 von 8. In dals grands aviuns da motor. Bildquelle: Guido Manzoni.
-
Bild 6 von 8. Biplan. Quest aviun a duas alas è pront a la plazza aviatica da model a Bever per partir. Bildquelle: Pius Good.
-
Bild 7 von 8. Engaschament corporal cumplain. In aviun a vela vegn sgulà cun tutta forza. Bildquelle: Pius Good.
-
Bild 8 von 8. Tut quai che vegn fatg cun in telecumond. La gruppa da model da l'Engiadin'Ota na sgola betg mo cun aviuns mabain era cun helicopters. Bildquelle: Pius Good.
Per pudair sgular sin la plazza aviatica da Samedan, sto la gruppa da model respectar diversas reglas. Tranter auter ston els atterrar subit, cura ch'in helicopter è en il sgol d'arriv. Perquai han els in apparat da func. Sin quel ston els tadlar la frequenza da sgol. Las lubientschas han mo commembras e commembers da la gruppa da model Engiadina.
Il president da la gruppa da model ha 63 onns ed è creschì si a Samedan en l'Engadina. Suenter paucs onns giu la Bassa è Guido Manzoni – cun 25 onns – puspè turnà a Samedan e restà là. El tgira ultra dal hobi da sgular cun aviuns da model anc in pèr hobis che dovran bler temp, tranter auter l'ir en muntogna.
Las muntognas èn il da chasa da Giudo Manzoni.
-
Bild 1 von 4. Sisum il Piz. Guido Manzoni sin ina tura sin l'Eiger en il chantun da Berna. Bildquelle: MAD.
-
Bild 2 von 4. Piz Palü, Biancograd. Bildquelle: MAD.
-
Bild 3 von 4. Piz Bernina. L'alpinist è stà pliras giadas sin il Piz Bernina. Bildquelle: MAD.
-
Bild 4 von 4. Grond horizont. La vista sin la tura sin il Piz Palü en Engiadina. Bildquelle: MAD.
Jau lavur gugent cun ils mauns.
Guido Manzoni è falegnam, in mistergn che senta la mancanza da spezialistas e spezialists. En congual cun pli baud han ils scrinaris engiadinais bler dapli lavur. Er il schaner e favrer – nua ch'igl era pli quiet – vegn ussa blera lavur. Agid vegn qua da l'Italia. Ils lavurants da l’Italia vegnan mintga di sur il pass dal Bernina u Malögia per lavurar. Per il maister scrinari ina gronda plivalur. Cun blera experientscha va Guido Manzoni en dus onns en pensiun.
Il tschiel è en l'Engiadina il pli blau.
L'Engiadinais è collià fitg ferm cun la val. El chanta en in chor, suna en ina gruppa e sa senta ferm collià cun la natira. Questa colliaziun ha el badà gia baud, suenter in viadi mundial cun 25 onns è el turnà a Samedan e restà là. Il tschiel en Engiadina saja simplamain il pli blau.