Per exempel gidan voluntarias da Ponte tar la tschertga da purschidas da distgargia u connecteschan confamigliars cun purschidas existentas.
Las persunas che gidan da tgirar insatgi a chasa van savens en emblidanza. Per questas persunas è Ponte qua.
Ma Ponte n’è betg in agid da tgira per pussibilitar a las persunas che tgiran in di liber, di Placi Degonda ch’è il manader da la partiziun «Sustegn en il mintgadi» da la Crusch Cotschna Grischun.
Sche la persuna che tgira na po betg pli e sa tschenta en l'ospital lura dovran duas persunas agid. Quai è in grond problem.
Igl è dad evitar che persunas che tgiran insatgi a chasa vegnan sezzas malsaunas. Perquai fissi impurtant d’introducir er en il Grischun il sistem d’assistenza da tgira per pussibilitar a persunas che tgiran in di liber.
Blers confamigliars che tgiran vegnan al cunfin.
Marianna Wetten da Cumbel è ina da las voluntarias da Ponte, ina da quellas ch’ha il cumpass tras la dschungla d’agid. Ella fa questa lavur voluntaria perquai ch’ella ha constatà che blers confamigliars che tgiran vegnan al cunfin. Deliberar da la lavur da tgira na po ella sco voluntaria betg, dentant gidar tar la tschertga d’agid.
La lavur da confamigliars gida er il chantun ni vischnancas da spargnar daners. Quels van pli tard en chasa da vegls.
Sustegnair finanzialmain persunas che tgiran cun daners d’assistenza per spargnar daners. Da quest avis è er Placi Degonda. El appellescha a la politica d’introducir assistents pajads. La Crusch Cotschna Grischun aveva inoltrà in concept a l’Uffizi da sanadad dal Grischun. Ma quel n’è betg vegnì acceptà, di Placi Degonda en Vita e Cretta. E la Crusch Cotschna Grischun na po betg finanziar quel sezza. Tenor il manader dal «Sustegn en il mintgadi» da la Crusch Cotschna Grischun custass il project radund 100’000 francs per bajegiar si il sistem ed il terz onn ca. 300’000 francs.
Crusch cotschna Svizra
En questa emissiun vegnan a pled:
- Placi Degonda, manader da la partiziun «Sustegn en il mintgadi» da la Crusch Cotschna Grischun
- Marianna Wetten, voluntaria tar Ponte
