30 onns Impuls - La bellezza dals pleds

Texts davart la genervusitad, d'in giat che scriva, miniaturas dal mintgadi u da dis da nozzas ed auters giubileums. Romedi Arquint, Selina Beghetto, Carin Caduff, Dominique Caglia, Linard Candreia, Fabiola Cariget, Paula Casutt, Gianna Duschletta, Gerold Ehrsam, Sara Francesca Hermann, Janic Maskos, Sidonia Pazeller, Laura Schütz, Bettina Secchi e Benedetto Vigne han represchentà la vasta paletta ch'ils «Impuls» porschan di per di.

Per il pled fesitiv da quest'ediziun ha procurà Rico Valär, professer per litteratura e cultura rumantscha a l'Universitad da Turitg. Cun verva e ritmus ha el fatg in pledoyer per ils «Impuls», in gener litterar che saja unic e che nagin'autra litteratura mundiala enconuschia.

Mintgadi emetta RTR l'emissiun Impuls, in patratg per cumenzar il di da las audituras e dals auditurs da radio. Istorgias vairas u bain inventadas. Texts leghers, poetics, trists, experimentals, meditativs, critics e savens cun ina nota persunala. Cun ils onns èn ils Impuls quasi daventads in agen gener litterar rumantsch, e la rubrica ha survegnì ina muntada impurtanta ed unica en la promoziun da la litteratura rumantscha. Er grazia a quest’emissiun è la scena da litteratura rumantscha oz viva e vasta sco anc mai.

Impressiuns da l'aperitiv litterar dals 25-08-2023

Impressiuns da l'emprim aperitiv litterar ils 09-06-2023