Dus novs cudeschs da maletgs rumantschs èn cumparids ultimamain.
In elefant abattì
«L’elefant da la sumbriva» u «Igl elefant dall'umbriva» è l’istorgia charina d’in elefant ch’è trist ed abattì. Ses amis n’èn betg buns da’l distrair. In bel di arriva la mieuretta che n’emprova betg da consolar l’elefant, ma ella vul simplamain seser sper el. Ella accepta che l’elefant è trist e na dat betg buns tips. Il cudesch da Nadine Robert datti en sursilvan e puter.
Aventuras enturn il Piz Lischana
En il cudesch da maletg biling vallader e tudestg «Piz Lischana» da Peter Horber e Mariachatrina Gisep Hofmann fan ils fragliuns Chasper e Selina ina gita da dus dis enturn il piz en Engiadina bassa. Cun lur tat partan els davent da Scuol. Els stattan sur notg en la Chamonna Lischana CAS. Els observan selvaschina e giaudan la cuntrada impressiunanta. La gita è lunghischma, ma bella, uschè ch’els passentan inqual aventuras.
