El na san ins betg pachetar en in truclet. Normalmain lavura el sco medi en sia atgna pratica da medi a Genevra. Dentant ch’il far musica saja be in hobi na san ins betg dir. Sco battarist ha el gia pli baud sunà en diversas bands e cun ses project da solo ha el gia publitgà dus albums («Concrete Jane» 2016, «Brand New Slave» 2019). Uss suonda lura la proxima EP «Sole Mio». Era sia musica che nascha en ses palantschin – ch’el numna Choupette – è fitg varianta è na sa lascha betg categorisar. Ina giada experimental e dir ed in’autra giada ruassaivel ed agreabel sco sia nova single «The Lover». Cun quella chanzun sa el durant il settember derasar buna luna en l’entira Svizra en ils radios da RTR, SRF3, Couleur 3 e Rete Tre.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch.