Avant 22 onns ha Remo Derungs cumenzà cun ses atelier da musica a Glion. Spezialisads è el cunzunt sin reparaturas d’instruments da sturs e da ghitarras . En avegnir maina il musicist e dirigent vinavant ses atelier, però da nov en sia chasa a Vignogn en Val Lumnezia.
La pli gronda concurrenza è l'internet
Sco che Remo Derungs ha ditg a RTR, saja la pli gronda concurrenza tar la vendita daventà la cumpra en l'internet. Blers vegnian en stizun per sa laschar cussegliar. Suenter giajan els a chasa ed cumprian l'instrument en la rait – savens in pau pli bunmartgà. Quella clientella vesan ins alura pir cura che l'instrument è defect.
Corona ha augmentà quel svilup. I dat adina dapli cussegliaziuns per il giat. Meglier ch'jau cussegl e pli gronda la schanza ch'ils clients cumpran l'instrument en l'internet
Dapli peda per sesez
En l'avegnir vul Remo Derungs avair dapli temp per projects persunals. Uschia vul el sa deditgar, sper sias lavurs da reparaturas d'instruments da sturs cunzunt, per ses engaschis sco musicist, dirigent e cumponist.
