Ils 6 da schaner 1873 è Robert Cantieni naschì a Ftan sco figl da Dumeng (pur) e Chatrina (n. Secchi). Suenter il seminari scolastic a Cuira ha el dà scola a Ftan (1892-93) e Samedan (1893-1900). Lura è el sa decidì da studegiar musica a Turitg. Ses magisters eran tranter auter Carl Attenhofer e Friedrich Hegar. Robert ha maridà Elisa (nata Lenggenhager) ed ils emprims dus uffants (Orlando 1906 ed Armon 1907) èn naschids a Winterthur. Suenter avair terminà cun success il studi è la giuvna famiglia returnada en l'Engiadina. Davent il 1910 ha Robert lavurà sco dirigent e scolast privat per clavazin, chant e cumposiziun a S. Murezzan e Samedan. Il 1911 ha el elavurà ensemen cun Florian Grand «L'Engiadina», in cudesch da chanzuns per chors maschadads.
-
Bild 1 von 3Legenda: Inscripziun vid ina chasa ad Ardez. MAD -
Bild 2 von 3Legenda: Robert Cantieni dirigia il chor da la festa da chant a Zernez l'onn 1920. MAD
-
Bild 3 von 3Legenda: Cor masdà Scuol a la festa da chant 1920 a Zernez, dirigent: Robert Cantieni MAD
En quests onns ha el stuì percorscher che la vita da musicist en la patria n'è betg uschè simpla. Trumpà d'intrigas cultural-politicas e critica subjectiva è el sa decidì da bandunar l'Engiadina. La famiglia Cantieni cun entant set uffants (Silvia 1910, Edgar 1911, Räto 1914, Angiola 1915, Erwin 1922), è sa domiciliada a Cuira. Dal 1922-37 è Robert stà magister da musica a la Scola chantunala ed al Seminari scolastic a Cuira e dirigent da divers chors a Cuira (Männerchor Frohsinn, Chor viril Rezia, Chor mischedau Alpina) e da la Ligia Grischa / Glion (1924-32). Robert Cantieni è stà in musicist engaschà ed uschia er davantà cun raschun commember d'onur da l' Uniun chantunala da chant dal Grischun .
Ils onns 1940 ha el lu fatg sia pasch cun l'Engiadina ed è sa deditgà puspè pli fitg a la chanzun rumantscha. El ha edì pliras collecziuns da chanzuns: «Las Grusaidas», «La chanzun ladina», «Suldanellas», «Evangelisches Kirchengesangbuch», «La Merlotscha» (collecziun sursilvana ensemen cun Flurin Camathias).
Ils 11 da mars 1954 mora Cantieni a Cuira ed è sepulì sin il santeri da Daleu. Sin ses crap da fossa sa chatta l'inscripziun: «Tia chanzun viva».
Chara lingua da la mamma
L'entschatta da ses temp sco magister da musica e dirigent en l'Engiadina ha el tranter auter scrit scrit la chanzun «Lingua materna» u «Chara lingua da la mamma». Il text è da Gudench Barblan. Cun questa chanzun ha el stgaffì ina sort imni da las Rumantschas e dals Rumantschs. Nagin'autra chanzun po svegliar tants sentiments da carezia per la lingua materna sco quella. In'autra fitg enconuschenta chanzun da Robert Cantieni è la «Guardia grischuna».
Il forum Chasper Pult davart la pli enconuschenta chanzun da Robert Cantieni:
Ulteriur material or da noss archiv:
Marella dals 28 d'avrigl 2013 che va suenter a la dumonda: Tge pon ins far cun material musical tradiziunal e tge betg?
In purtret en Il balcun tort dals 21 da schaner 1973:
Dapli
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.