Ella è naschida il 1984, creschida si a Cuira e stat uss a Turitg. Il 2012 ha ella terminà ses studi a Lucerna cun il Master of Arts da pedagogia da musica e jazz.
Martina Berther è ina da las bassistas las pli universalas da la scena da musica svizra. Ses engaschament tanscha da la musica da pop e rock fin tar jazz e tuns experimentals ed improvisaziun. Ella ha sias atgnas bands ed accumpogna musicistas sco Sophie Hunger e Big Zis, cumpona musica da film e collavura er cun artistas ed artists sin auters champs ed è d’udir sin 23 portatuns. Ella è er savens giast tar ils concerts da Weekly Jazz a Cuira.
Cun mia musica na cuntansch jau betg senz’auter la massa commerziala. Perquai ves jau ch’il premi da musica svizzer 2020 è ina stima per mia lavur e creativitad na convenziunala che jau poss approfundar uss.
Questa distincziun saja er ina occasiun per far attent sin tut las instrumentalistas talentadas ed interessantas che duain er survegnir questa attenziun, di Berther. Tge ch'ella fa cun ils daners na sa ella anc betg.
Cumenzà aveva tut cun in auter instrument
I dat diversas musicistas enconuschentas che sunan il bass electric: Meshell Ndegeocello, Johnette Napolitano, Esperanza Spalding ubain Melissa Auf der Maur. Hai da ina spezia da idol per Martina Berther: